BETWEEN

Tawagin mo akong juan na nag aabang na mahulog ang bayabas
Sa aking bawat pag pikit nakikita ko lagi ang muka mong maaliwalas

Ikaw ang mainit na kape sa aking umaga 
Na sa tuwing naamoy may ibang dulot na ginhawa 

Anghel kung maituturing ang pag baba mo sa aking makasalanang pag iisip 
Iniwasan kong maging demonyo baka sakaling mag bago ang ihip

Mata mong singkit ang talaga sakin nag papaakit
Bakit sa tuwing lumalapit
Ang daming daga ang sa dibdib ko ang kumakawit

Ako ay may pusong mangingisda 
Sa lawak ng karagatan puro kaba ang aking nakuha
Nilunok ko na lahat ng aking pagmamalaki
Pero wag mo sana iparamdam na sa huli pako magsisisi

Sana sa una palang nabigyan na kita ng rosas
Ngunit hindi ko nga pala kayang makipag bunong braso sa mga kamay ng mga oras

Ikaw ang natipuhan kahit anim na kilometro ang ating agwat
Ako ang mainit na araw na sa tuwing tanghali aasahang mong tapat

Nang galing ako sa lugar kung saan palaging maulan 
Pag nag tagpo ang dalawang bilog saka pa lamang aaraw
Mga ligaw na kaluluwa ang nagturo sa aking daan
Magdiriwang kami sa aking pag balik habang umaawit ng balitaw

Ako ay hihiling kay kupido na ikaw ay panain
Nang sa ganon ang puso natin ay pagisahin

Langit lupa ang laro na kung saan ako lagi ang taya
Mapagbigyan mo lamang ng isang pagkakataon lahat ay aking itataya

Bukod tangi ang liwanag mong araw sa lahat ng bituwin 
Hubad ang aking diwa hindi ko narin inaaasahang ika'y maging akin